Nga Gjirokastra, kryesocialisti Edi Rama u kërkoi votën edhe emigrantëve shqiptarë në Greqi, të cilët po përballen edhe me vështirësi për marrjen e zarfit.
Rama, përveçse u bëri thirrje shqiptarëve që të shkojnë vetë në postë të marrin zarfin me fletën e votimit, u kërkoi që të votojnë për pasaportën europiane.
“Ata të cilët kanë kaluar malet, janë rropatur, e ata që presin sot me ankth nëse do t’u njihet pensioni, nuk mund ta lënë zarfin rrugëve. Nuk mund ta lënë votën për të cilën janë regjistruar, që të mbetet si një copë letër pa vlerë. Duhet ta marrin me çdo kusht dhe ta dërgojnë në Tiranë. Ka edhe disa ditë kohë, është plotësisht e mundur. U bëj thirrje ta dërgojnë në Tiranë. Shqipëria në BE nuk do të jetë vetëm e re, por populli nuk do të jetë më i dorës së dytë”, u shpreh Rama.
