Politikani i njohur, Neritan Ceka kujtoi vitin e trazirave 1997 kur iu drejtua pistoleta në kokë.
Neritan Ceka i emocionuar thotë se shpëtoi me “fat” pasi pistoleta tentativën e parë nuk shkrepi plumbin, ndërsa atentatori është “neutralizuar” kur tentoi ta mbushte sërish armën që ia kishte vendosur në kokë.
“Mund të ketë qene një nga ato rastet 1 në 1 milion kur më është shkrepur pistoleta në kokë dhe nuk kanë ndezur plumbin. Edhe kur personi deshi ta mbushte prap, ata e kapën dhe e ndëshkuan. Kjo ka ndodhur në vitin ’97, në shkurt të vitit 1997. Nuk ka të bëjë me fushatë elektorale. Është mbajtur një miting i opozitës në fushën “Ali Demi”, që ishte atëherë dhe kur pjesëtarët u shpërngulën për të dalë në qytetin e studentëve, atëherë dikush nga ata që ishin mobilizuar në atë kohë midis militantëve të Partisë Demokratike, por pastaj përfunduan nëpër burgje si kriminelë, e bëri këtë atentat”, rrëfen Ceka.
