Partia Demokratike dhe 25 parti të tjera opozitare kanë nënshkruar marrëveshjen për krijimin e një koalicioni të përbashkët në prag të zgjedhjeve të “11 majit”.
Koalicioni do të mbajë emrin “Partia Demokratike – Aleanca për Shqipërinë Madhështore” dhe do të njihet me shkronjat nistore “PD-ASHM”. Ky emërtim është kopja e sloganit të Trumpit “MAGA” (Make America Great Again).
Një nga zhvillimet kryesore është përfshirja e Partisë për Drejtësi, Integrim dhe Unitet (PDIU) e drejtuar nga Shpëtim Idrizi, e cila ka arritur një marrëveshje me kryetarin e PD-së, Sali Berisha, për t’u bërë pjesë e këtij fronti opozitar.
Përveç PDIU-së, në koalicion janë përfshirë edhe Partia e Lirisë e Ilir Metës, Partia Republikane e Fatmir Mediut, Partia Agrare Ambientaliste e Agron Dukës, PBDNJ e Vangjel Dules dhe PDK e Nard Ndokës, mes të tjerash.
