Një nga marrëveshjet që pritet të nënshkruhet në Samin e BE më 6 dhjetor është nisja e procesit për heqjen e tarifës roaming mes vendeve të Bashkimit të Europian dhe Ballkanit Perëndimor.
Ky angazhim i Këshillit të Bashkëpunimit Rajonal që vjen pas takimeve të zhvilluara mes operatorëve celularë dhe pritet të hedhë hapat e parë në ditën kur liderit e Evropës dhe Ballkanit të mblidhen në Tiranë. Për aq kohë sa ky proces është kompleks pasi kërkon bashkëpunimin e operatorëve celularë që funksionojnë në Bashkimin Evropian dhe Ballkanin Perëndimor, fillimisht do të synohet një reduktim i tarifës romaning përgjatë vitit të ardhshëm.
Përmbajtja e marrëveshjes në funksion të lëvizjes së lirë të qytetarëve pritet të zyrtarizohet të martën e 6 dhjetorit. Tre ditë nga samiti BE-BP, përgatitjet e para kanë nisur tek Pallati i Kongreseve, aty ku do të mbahet konferenca për shtyp mes kryeministrit Edi Rama dhe presidenteve të Komisionit dhe Këshillit Evropian, Ursula Von Der Lyen dhe Charles Michel.
