Deputeti Socialist, Eduard Shalsi ka replikuar ashpër me Sali Berishën për të cilin tha se i ka perënduar koha.
Shalsi i tha Berishës se është i dënuar që të vuajë politikisht duke marrë “peng” opozitën.
“Sali Berisha mbetet një rudiment politik, ky rikthim është në fakt konfirmim i dështimit të tij politik. E humbe shansin Sali! E kuptoj marazin, pikëllimin dhe sikletin e madh se çfarë do të thotë në moshën tënde të ballafaqohesh me disa të vërteta që ndoshta as nuk i kishe kuptuar. Përveçse keqardhjes që humbe shansin e jetës për t’u tërhequr dhe të lije historinë të gjykonte mbi ty, ti vazhdon mban peng një popull opozitar që ka një nevojë ulëritëse për t’u përfaqësuar. Je i dënuar të vuash në këtë moshë marazin dhe turpin e të larguarit nga politika në mënyrë aspak dinjitoze”, tha Shalsi.
