Kryeministri Edi Rama ka bërë të ditur këtë të shtunë, se më 16 shtator, do të mbahet konferenca e radhës ndërqeveritare me BE.
Kryeministri i vendit shkruan se në këtë konferencë, e cila do të zhvillohet në praninë e ministrave të Jashtëm të të gjitha vendeve anëtare të BE-së, Shqipëria do të hapë edhe 4 kapitujt tjerë të negociatave.
“TJETËR LAJM I MIRË – Shqiperia nuk ndalet! Te marten, date 16 shtator, Presidenca Daneze e BE-se na fton që në praninë e Ministrave të Jashtëm të të gjitha vendeve anëtare, të hapim edhe 4 kapituj të tjerë të negociatave për anëtarësim, të cilët u shtohen 24 kapitujve që kemi hapur në vetëm 11 muaj – një rekord absolut për shpejtësinë e një procesi negociatash. Agjenda e Gjelbër dhe Ndërlidhja e Qendrueshme, mbi fusha te rendësisë jetike, si Transporti, Energjia, Rrjetet Transeuropiane dhe Mjedisi, janë tanimë në tryezë. U vendos edhe tjetër gur kilometrik në rrugën drejt majës së Shqipërisë 2030 në BE”, shkruan Rama.
