Kanë përfunduar 35% e punimeve për ndërtimin e hekurudhës Tiranë-Durrës, me degëzim në aeroportin “Nënë Tereza”.
Zëvendëskryeministrja Belinda Balluku ka inspektuar sot punimet për ndërtimin e hekurudhës Tiranë-Durrës. Një projekt madhor, pjesë e rrjetit hekurudhor europian, i cili duke nisur nga pranvera e vitit 2024 do të shkurtojë në 12 minuta distancën Tiranë-Rinas dhe në afro 22 minuta kohën e udhëtimit Tiranë-Durrës.
“Kjo hekurudhë nuk është thjesht një mjet transporti, është një mentaliteti i ri i të udhëtuarit, duke ulur konsumin e automjeteve dhe duke nxitur qytetarët që të përdorin hekurudhat. Është dallëndyshja e parë në industrinë e hekurudhave që duam të nxisim. Kemi 8 stacione që nuk kanë të përfshirë ndërtimin e vendqëndrimeve që do të jenë një paketë e dytë”, tha Balluku.
