Kryeministri Edi Rama ka folur për media për arrestimin e zyrtarit të FBI-së Charles McGonigal, me të cilin kishte njohje.
Në lidhje me hetimin që është kërkuar nga opozita, Rama tha e kjo është një fantazi e shfrenuar e “Foltores”, pasi hetimi është bërë nga Amerika dhe se i kanë ngritur akuzat për çështjen.
“S’kam asnjë shqetësim për këtë cështje. Drejtësia amerikane që e ka hetuar dhe që ka dal në konkluziom dhe që ka ngritur akuzën. Konflikt interesi. Unë kam darkuar edhe me një person të shpallur non-grada në Shqipëri. Kjo cështje është hetuar në Amerikë, këtu çfarë të hetohen…të hetohen fantazitë e shfenuara të një lidershipi. Në rastin konkret ka akuzë për konflikt interesi në marrjen e një borxhi nga miku i tij shqiptaro-amerikan. Ka një drejtësi në amerikë dhe ka gjykata. Nëse ju thoni se drejtësia dhe gjykata mund të kontestohet nga Foltorja apo e vulës, kjo është zgjedhja juaj. Nuk kam asnjë replikë”, tha Rama.
