Spartak Ngjela tërheq vëmendjen me parashikimet e tij, veçanërisht kur flet për PD dhe opozitën.
Po ashtu, Spartak Ngjela beson se nëse drejtësia i shkon në fund hetimit për Sali Berishën, PD-ja rrëzon Ramën dhe kthehet në pushtet.
“Do e ndihmojë shumë PD. Nëse Berishës ia çojnë deri në fund goditjen, se nuk besoj dot sepse lideri i PS-së dhe krerët e duan Saliun ta kenë atje të fitojnë gjithmonë, flas politikisht. Nëse SPAK do ta çojë deri në fund edhe ai dënohet qoftë dhe për 6 muaj ai ikën nga politika. Nëse Sali Berisha ikën nga politika PD për 6 muaj merr pushtetin dhe rrëzon PS-në. Partia Socialiste rrëzohet menjëherë në momentin që ky (Sali Berisha) është larguar nga skena politike. Unë them që eliminimi i (Berishës) e sjell për 3-4 muaj PD në pushtet. Njerëzit janë mërzitur shumë me PS-në por mes dy të këqijave, zgjedhin të keqen më të vogël”, tha Ngjela.
