Nga 1 janari 2027, pensionistët do të përfitojnë bonus mujor të dyfishuar, ndërsa do të vijojë edhe indeksimi i pensioneve.
Lajmin e ka bërë të ditur ministrja e Ekonomisë dhe Financave, Delina Ibrahimaj, e cila tha se mbështetja për pensionistët mbetet një nga prioritetet e politikave sociale të qeverisë.
Sipas ministres Ibrahimaj, bonusi mujor i nisur në vitin 2026 do të dyfishohet nga fillimi i vitit të ardhshëm dhe do të përfshijë të gjitha kategoritë e pensionistëve.
“Pensionistët janë në qendër të politikave tona sociale dhe rritja e të ardhurave të tyre mbetet një nga prioritetet tona. Në vitin 2026 nisëm bonusin mujor, ndërsa nga 1 janari 2027 ai do të dyfishohet për të gjitha kategoritë e pensionistëve, krahas vijimit të indeksimit të pensioneve”, deklaroi Ibrahimaj.
Për këtë mbështetje, në buxhetin e vitit 2027 janë parashikuar 22.4 miliardë lekë më shumë. Qeveria synon që deri në vitin 2030 pensioni i plotë të mos jetë më i ulët se 400 mijë lekë te vjetra, ndërsa pensioni i pjesshëm të arrijë të paktën në 220 mijë lekë te vjetra.
Dyfishimi i bonusit nga 1 janari 2027 vjen krahas indeksimit të pensioneve, duke synuar rritjen graduale të të ardhurave mujore të pensionistëve.
“Pensionistët janë në qendër të politikave tona sociale dhe rritja e të ardhurave të tyre mbetet një nga prioritetet tona. Në vitin 2026 nisëm bonusin mujor, ndërsa nga 1 janari 2027 ai do të dyfishohet për të gjitha kategoritë e pensionistëve, krahas vijimit të indeksimit të pensioneve. Për këtë mbështetje kemi parashikuar 22.4 miliardë lekë më shumë në buxhetin e vitit të ardhshëm, me objektivin që deri në vitin 2030 pensioni i plotë të mos jetë më pak se 40 mijë lekë dhe pensioni i pjesshëm jo më pak se 22 mijë lekë. Një angazhim konkret për të rritur, hap pas hapi, të ardhurat e pensionistëve”, tha ministrja.
