Kryeministri Edi Rama ka komentuar edhe një herë situatën e tensionuar në veri të Kosovës.
Gjatë prezantimit të projektit për ndërtimin e Portit të ri në Porto Romano, Rama tha se sot kryeministri i Kosovës, Albin Kurti nuk mund të ishte i pranishëm për shkak të situatës në veri të Kosovës. Kreu i qeverisë edhe një herë tha se Kosova ka mbështetjen e qeverisë dhe Republikës së Shqipërisë.
“Së pari dëshiroj të përshëndes kryeministrin Kurti dhe kryeministrin Kovaçevski. Të dy e patën të pamundur të ishin sot këtu për arsye angazhimesh. Në rastin e kryeministrit të Kosovës e merrni vetë me mend që pamundësia është e lidhur me situatën e krijuar së fundmi në veriun e Kosovës. Situatë në të cilën qeveria dhe Republika e Kosovës kanë të gjithë solidaritetin, mirëkuptimin dhe mbështetjen e qeverisë tonë dhe Republikës së Shqipërisë”, -tha Rama.
