Kryeministri Edi Rama gjatë fjalës së tij në ceremoninë përurimit të nisjes së punimeve për ndërtimin e Teatrit, e ka cilësuar këtë projekt si një gur të çmuar në një gjerdan veprash.
“Ky është një tjetër gur i çmuar në një gjerdan veprash, që e kanë nxjerrë Tiranën si një një kryeqytet europian, ku bëhen gjëra që tërheqin vëmendjen edhe të tjerëve. Është shumë e lehtë sot për të bërë një paralele me stadiumin që e kishim dhe që as për stadium nuk mund të përdorej dot më, pasi u fut në listën e zezë të FIFA-s.
Ndërkohë, vazhdonte një rezistencë absurd për të mos e prekur stadiumin. Për t’i rënë shkurt, ne e ndërtuam stadiumin, askujt nuk i ka shkuar mendja që në Shqipëri mund të luhej një finale europiane dhe Tirana të merrte sytë e gjithë botës mbi vete. Ajo që mbetet do të jetë vepra, një vepër do isha i lumtur që do isha bashkë me Robert Ndrenikën dhe Tinka Kurtin për të hapur dyert. Çfarë nuk ecën e keni me lali Erin, unë e mbarova punën time“, tha Rama.
