Kryetari i Bashkisë së Tiranës, Erion Veliaj dha sot lajmin e mirë se do të nisë ndërtimi i shkollave të reja në periferi të kryeqytetit.
Veliaj u shpreh se janë gjithsej 8 shkolla që pritet të ndërtohen konkretisht 4 në zonën e Astirit, dy në lagjen Urbane të Unazës së Madhe, një në Yzberisht dhe një tjetër në Kashar.
Veliaj tha se Bashkia do të ofrojë ushqim falas në të gjitha shkollat shtetërore të saj, në mënyrë që të gjithë fëmijët të kenë një start të barabartë.
“Unë besoj që ashtu siç bëmë tek Piramida ku 2000 fëmijë çdo muaj marrin kurse për teknologjinë e informacionit, unë besoj që detyra e një bashkie t’u japë të gjithëve startin e barabartë. Sot një student me kartën e studentit udhëton falas dhe me kartën e studentit 50% të kostos së konvikteve paguan Bashkia e Tiranës. Patjetër, ushqimi do jetë pa pagesë, si kopshtet e çerdhet që ne kemi. Ne sot kemi bërë një revolucion tek kopshtet e çerdhet”, tha Veliaj.
