Ambasadorja e SHBA në Tiranë, Yuri Kim ka zhvilluar një takim të panjoftuar më herët, këtë të hënë, me kryeministrin Edi Rama. Është Ambasada e SHBA ajo që zbardh takimin mes Ramës dhe Kim, e cila është në përfundim të mandatit të saj diplomatik në Shqipëri.
Rama dhe Kim diskutuan edhe për instutucionet e reformës në drejtësi, një çështje mbi të cilën është aulduar në media si shkak i përplasjes mes qeverisë dhe ambasadores amerikane, për shkak të “preferencave” në zgjedhjen e kreut të ri të SPAK.
“Në këtë kontekst, ata diskutuan arritjet, si dhe sfidat, në zbatimin e reformës në drejtësi në Shqipëri. Ata ishin në një mendje se është kritike që institucionet e drejtësisë të Shqipërisë të jenë të pavarura dhe të guximshme në ushtrimin e detyrave dhe përgjegjësive të tyre”, bën me dije ambasada e SHBA.
