Kryebashkiaku i Vlorës, Ermal Dredha ka dhënë dorëheqjen nga posti drejtues mbrëmjen e djeshme, ndërsa arsyet mbeten ende të paditura.
Sakaq, mediat kanë zbuluar mesazhin që Dredha u ka dërguar punonjësve të Vlorës në rrjetin social Whatsapp.
Në mesazh, Ermal Dredha falënderon të gjithë bashkëpunëtorët për mbështetjen e kësaj kohe, por ende pa zbardhur asgjë më shumë se çfarë fshihet pas këtij vendimi.
“Faleminderit dhe ndjesë që po e lë këtë rrugëtim në mes, por sinqerisht, për mua ka qenë privilegj & kënaqësi t’ju shërbej, edhe pse jo të gjithëve zgjidh hallët! Duke ju uruar më të mirën juve dhe familjeve tuaja, me shumë respekt, Ermali”, – thuhet në mesazhin e Dredhes drejtuar kolegëve.
