21 deputetë të legjislaturës së tanishme kanë dorëzuar ose humbur mandatin me tre të tjerë që janë në listën e pritjes. 13 nga deputetët janë të PS-së, 10 të PD-s dhe 1 i PSD-së.
Sipas një raporti të publikuar nga Instituti i Studimeve Politike, një pjesë e deputetëve kanë dorëzuar mandatin lidhur me hetimet e SPAK-ut ndaj tyre, qenies në listën non grata të SHBA-së apo dënimeve nga gjykatat ndërsa disa të tjerë u janë rikthyer biznesve familjare.
Në total, rreth 160 mijë vota ose rreth 10% e votave të dhëna më 2021 nuk përfaqëson më në parlament. Disa dhanë dorëheqje menjëherë pas zgjedhjes (informacione paraprake për hetim nga SPAK, për qenie në listën e zezë amerikane apo arsye të tjera të komoditetit personal), disa dhanë dorëheqje gjatë mandatit duke iu rikthyer bizneseve më fitimprurëse, disa u detyruan të japin dorëheqje pas skandaleve personale apo familjare dhe disa u detyruan për shkak të hetimeve nga SPAK apo dënimeve nga sistemi i drejtësisë.
