Pasi shkatërruan gjithçka në sallën e Kuvendit dhe i vunë lakën karrigeve, 23 deputetë të PD-së do të kenë pasoja të forta.
Kryeparlamentarja Elisa Spiropali njofton se dëmi financiar i shkaktuar do t’u mbahet nga rroga të gjithë deputetëve opozitarë.
Nëpërmjet Policisë së Shtetit, qeveria ka dërguar në SPAK për vepra të rënda penale 23 deputetë të opozitës. Në krye të të paditurve, rrezikon më shumë Sekretari i Përgjithshëm i PD-së, Flamur Noka, që akuzohet për veprat penale “Shkatërrim i Pronës me Zjarr” dhe “Goditje për Shkak të detyrës”. Pas tij, Gazment Bardhi, për hedhjen e këmbës së karriges në drejtim të kryeparlamentares Spiropali, akuzohet gjithashtu për “Goditje për Shkak të detyrës”.
