Inxhinierja e njohur dhe deputetja socialiste, Luljeta Bozo ka përsëritur këtë të shtunë, në tre vjetorin e tërmetit të 26 nëntorit 2019, se në zonën e ish-Kënetës në Durrës nuk duhej të ishte ndërtuar asnjë objekt, sepse është zonë e rrezikshme.
Në një intervistë për Euronews, Bozo ka thënë se zona e ish-Kënetës ka sizmicitet të lartë.
“Zona e Kënetës në Durrës para 90 nuk lejohej që të ndërtohej sepse nuk ka siguri. E para se ajo është një zonë ku amplifikohen lëvizjet sizmike, atje është trualli më i dobët. Sa më shumë ujë të ketë toka, aq më shumë tundje ka, rrëshqasin objektet. Pas ’90, ajo zonë u popullua keq, pa pasur asnjë infrastrukturë. Ajo zonë u popullua edhe pse ishte e rrezikshme për shkak të lëkundjeve sizmike”, tha inxhinierja Luljeta Bozo.
