Kryeministri Edi Rama ka publikuar pamjet e një tjetër rruge të re Kombëtare që sapo ka nisur ndërtimin si pjesë e projektit europian.
Kreu i qeverisë shqiptare bën me dije se rruga Elbasan – Qafë Thanë është pjesë e projektit të korridorit të 8-të që do të ndërtohet me 4 korsi dhe do të shkurtojë distancën mes Tiranës dhe jug-lindjes së vendit.
“Kantieri për zgjerimin e rrugës Elbasan-Qafë Thanë, ku puna vijon për ndërtimin e nënkalimeve, urës automobilistike, një aks ky që do të shkurtojë rrënjësisht distancat dhe do të kthehet në një rrugë interurbane me katër korsi, si pjesë e korridorit të 8-të, tanimë i përfshirë në rrjetin europian”, shkruan Rama.
