Bordi i Transparencës ka publikuar sot çmimet e reja të karburanteve në Shqipëri që do të hyjnë në fuqi ditën e sotme deri në mbledhjen e ardhshme.
Bordi i ngritur nga Kryeministri Edi Rama reagon sërish duke ulur çmimin e naftës me 5 lekë, pra nafta nga sot do të kushtojë 227 lekë/litër. I njëjti trend është edhe për benzinën e cila do të kushtojë 210 lekë/litër, kurse gazi do të shitet 74 lekë.
Çmimet e caktuara nga Bordi do të hynë në fuqi sot, datë 11 nentor ora 18.00 pasdite, dhe do të jenë të vlefshme deri në mbledhjen e ardhshme të bordit që është ngritur nga Qeveria Rama për të mos lejuar abuzimet me çmimet.
