Partia Demokratike e Sali Berishës mban këtë të shtunë në Tiranë, protestën e dytë kombëtare. Ilir Meta, tashmë aleat i Berishës, ka njoftuar se Partia e Lirisë do të jetë në shesh me përfaqësuesit e saj dhe simpatizantët. Dy aleatët kanë firmosur një marrëveshje për bashkërendim të aksionit opozitar dhe futjen bashkë në zgjedhjet lokale të 14 majit.
Në kuadër të këtij tubimi, Policia e Shtetit ka njoftuar masat për garantimin e rendit dhe sigurisë publike, si dhe bllokimin e disa segmenteve për qarkullimin e mjeteve.
“Segmentet rrugore që do të jenë të bllokuara, duke filluar prej orës 15:00, të datës 12.11.2022, deri në përfundim të tubimit, janë: Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova””
