Ministri i Brendshëm, Bledi Çuçi dhe homologu i tij nga Kosova, Xhelal Sveçla nënshkruan sot në Tiranë protokollin që përmirëson regjimin e lëvizjes së lirë ndërkufitare për banorët në të dyja anët e kufirit Shqipëri-Kosovë.
Çuçi shkruan se, banorët e zonave të brezit kufitar Shqipëri-Kosovë do të lëvizin lirshëm 30 km në brendësi të Shqipërisë dhe 30 km në brendësi të Kosovës.
“Banorët e zonave të brezit kufitar Shqipëri-Kosovë do të lëvizin lirshëm 30 km në brendësi të Shqipërisë dhe 30 km në brendësi të Kosovës ku shtetasit në të dyja anët të përfitojnë shërbime të njëjta në Kosovë dhe në Shqipëri, sikur të jenë shtetas përkatësisht të të dyja shteteve. Me homologun Xhelal Sveçla nënshkruam një protokoll që përmirëson më tej marrëveshjen e lëvizjes së lire“, shkruan Çuci.
