Sot do të mbahet në Shkup mbledhja e përbashkët mes qeverisë së Shqipërisë dhe asaj të Maqedonisë së Veriut. Kryeministri Rama, bën të ditur se në këtë mbledhje do të finalizohen një sërë marrëveshjesh e memorandumesh ndërqeveritare Shqipëri – Maqedoni e Veriut. Pas mbërritjes, Rama do të ketë një takim “kokë më kokë” me homologun, Dimitar Kovaçevski.
“Mirmëngjes nga Shkupi, ku do të zhvillojmë mbledhjen e dy qeverive e do të finalizojmë një sërë marrëveshjesh e memorandumesh ndërqeveritare Shqipëri – Maqedoni e Veriut, ju uroj një javë të mbarë”, njofton Rama.
Sipas agjendës, parashikohet që fillimisht Rama të pritet nga homologu maqedonas Dimitar Kovačevski në një takim dhe më pas do të mbahet mbledhja ndërqeveritare në sallën solemne të Qeverisë së Republikës së Maqedonisë së Veriut.
