Bordi i Transparencës ka reaguar mbrëmjen e sotme duke publikuar çmimet e reja të karburanteve (nafta, benzina e gazi) në vendin tonë të cilat do të hyjnë direkt në fuqi dhe do të jenë të vlefshme deri në mbledhjen e ardhshme.
Bordi i ngritur nga Kryeministri Edi Rama reagon sërish duke ulur çmimin e naftës me 2 lekë, pra nafta nga sot do të kushtojë 221 lekë/litër, nga 223 që ishte ditë më parë. I njëjti trend është edhe për benzinën e cila do të kushtojë 204 lekë/litër, kurse gazi do të shitet 73 lekë/liter.
Çmimet e caktuara nga Bordi do të hynë në fuqi sot, datë 16 nentor dhe do të jenë të vlefshme deri në mbledhjen e ardhshme të bordit që është ngritur nga Qeveria Rama për të mos lejuar abuzimet me çmimet.
