Analisti Baton Haxhiu ka treguar detaje nga përpjekjet e kryeministrit Edi Rama, për t’u takuar me homologun Albin Kurti.
Baton Haxhiu tha se Rama ka kërkuar me dhjetëra takime me Kurtin, me mesazhe private apo përmes ambasadorëve, por ky i fundit nuk ka reaguar. Sipas tij, ndërkombëtarët i kanë kërkuar Edi Ramës që të bindte kryeministrin e Kosovës.
“Zoti Rama ka kërkuar një takim prej tre ditësh. Jo një takim, dhjetë herë takime, duke përfshirë edhe ambasadorin, edhe mesazhet private, edhe mesazhet politike, për t’u dakorduar që zoti Kurti në një konferencë për shtyp ku del me zotin Rama, të thotë “ne do shqyrtojmë dhe të jemi korrekt me përmbajtjen e marrëveshjes së Ohrit”. Bashkësia ndërkombëtare ka kërkuar nga Rama vetëm këtë gjë, që zoti Kurti të dilte në konferencë për shtyp për të shqyrtojmë masat dhe tre pikat e de-eskalimit do i vendosim së shpejti. As kaq nuk ka bërë zoti Kurti”, u shpreh analisti Baton Haxhiu.
