Ministri i Mbrojtjes, Niko Peleshi është pyetur në lidhje me deklaratat e bëra ditën e djeshme ng ambasadorja amerikane, Yuri Kim, në lidhje me kreun e ri të SPAK.
Peleshi u shpreh se qeveria mbështet reformën në drejtësi dhe janë në krahun e përsosjes së saj.
“Reforma në Drejtësi nuk ka mbaruar, nuk është një punë që kryhet një herë e mirë, është punë dinamike. Ka gjithmonë sfida dhe problematika për ta përballur. Siç ishim të vendosur të pa filluar këtë Reformë, do të vazhdojmë ta mbështesim. Çdo ngjarje e pakëndshme apo vëmendje e shtuar për ta imunizuar nga ndikime apo deformime të procesit e shqetëson qeverinë shqiptare dhe ne jemi në krahun e përsosjes së Reformës në Drejtësi, plotësimit të institucioneve me persona me integritet të lartë”, tha Peleshi.
Në një mesazh të postuar në rrjetet sociale, Kim tha se kreu i ri i SPAK duhet të jetë i aftë të luftojë korrupsionin dhe krimin e organizuar.
