Drejtoria e Përgjithshme e Tatimeve lajmëron punëdhënësit që paguajnë rroga në dorë, se do të kallëzohen penalisht. Pas letrave sensibilizuese, tashmë aksioni ka kaluar në një fazë të re ndëshkimi për pagat e padeklaruara.
Një pjesë e punonjësve në vend vazhdojnë të paguhen në dorë, duke bërë që paga reale e tyre të jetë më e ulët në sistemin tatimor. Për të luftuar këtë fenomen qeveria Rama ka këshilluar punëdhënësit të bëjnë deklarimin e plotë të pagave.
Për këtë arsye, Drejtoria e Tatimeve deklaron se aksioni do të kalojë në një fazë të re, për të vënë në hetim të gjithë punëdhënësit që do të zbulohen në shkelje. Kjo vepër penale mendohet se kryhet nga rreth 10 mijë biznese në vend, të cilëve Ministria e Financave para disa kohësh u ka dërguar letër për korrigjim të pagave ne te kundert do te gjobiten.
