Detaje të reja që “fundosin” pozitën e Arben Ahmetajt. Gazetari Poli Hoxha ka dhënë më shumë detaje për pasuritë e Arben Ahmetajt dhe familjarëve të tij, duke zbuluar 3 transferta drejt bankave në Zvicër në shuma të mëdha.
Kështu në llogarinë, CRESLJZZ69A, të bashkëjetueses së ish-zëvendës kryeministrit në bankën Credit Swisse, janë kryer 3 transferta nga llogaritë në Shqipëri te Credins Bank dhe BKT. Shumat e 3 transfertave variojnë nga 600 mijë euro në 750 mijë euro.
“Për herë të parë, me anë të agjentëve të FBI që ndodhen në Shqipëri, po ndiqet paraja. Lajmi është që janë zbuluar në bashkëpunim me partnerët ndërkombëtarë, 3 transferta të mëdha nga 600 në 750 mijë euro, nga dy banka në Shqipëri, të cilat shkojnë drejt një llogarie të bashkëjetueses së Ahmetaj në Lugano të Zvicrës. Kodi i llogarisë ka një A69, që A është Arben dhe 69 viti i tij lindjes. Llogaria është zbuluar në emër të bashkëjetueses. Transfertat janë kryer nga dy banka në Tiranë, 3 transferta drejt numrit të llogarisë në Swiss Bank të bashkëjetueses. Një transfertë është kthyer mbrapsht, por ka mundur të kalojë nga një bank tjetër. Përveç sekuestrimit të vilave, hetimi ka shkuar thellë, duke parë transfertat e parave”, tha gazetari Poli Hoxha.
