Sekretariati për Procedurat, Votimet dhe Etikën në Kuvend, i drejtuar nga Klotilda Bushka, ka përjashtuar për 5 ditë nga Kuvendi deputetin e PL-së Petrit Vasili.
Gjatë seancës së sotme Vasili i tha Ballës skizofren dhe idiot. Vendimi vjen pas përplasjes së Vasilit me kreun e grupit parlamentar socialist, Taulant Ballën. Në një njoftim zyrtar, Kuvendi thotë se Vasili “ju drejtua me fjalë fyese Kryetarit te Grupit të PS, Taulant Balles, në fillim të punimeve te seancës plenare, datë 24.11.2022”.
“Në zbatim të nenit 63 pika ç dhe nenit 65/1 të Rregullores së Kuvendit, Sekretariati vendosi me 3 vota Pro, marrjen e masës disiplinore ‘Përjashtim nga pjesëmarrja në komisione dhe në seancë plenare për 5 (pesë) ditë’ për deputetin z. Petrit Vasili. Vendimi hyn në fuqi ditën e nesërme”, thuhet më tej në njoftim.
