Kryeministri Edi Rama ditën e sotme u shfaq në Shpirag, atje ku pak kohë më parë u fol për zbulimin e një vendburimi nafte.
I veshur me rroba mbrojtëse dhe kaskë, Rama shkruan se jemi pranë testit përfundimtar teknik të vlerësimit të qëndrueshmërisë së presionet të fluksit të gazit e të naftës, deri në sipërfaqen e tokës.
Rama në fund uron fat dhe thotë se përpjekjes 10-vjecare po i afrohet ora vendimtare e së vërtetës.
“Sot në Shpirag, ku zbulimi i rëndësishëm i kryer 6.1km në thellësi të tokës naftëmbajtëse, mbart bashkë me premtimin e madh të nxjerrjes së një pasurie të konsiderueshme për Shqipërinë dhe shqiptarët, edhe sfidën e testit përfundimtar teknik të vlerësimit të qëndrueshmërisë së presionit të fluksit të gazit e të naftës, deri mbi sipërfaqen e tokës. Në fund të këtij viti do ta mësojmë këtë, ndërkohë që po punojmë paralelisht për projektin e Fondit Sovran që do të administrojë këtë pasuri të madhe kombëtare, duke u nisur nga studimi i vëmendshëm i praktikave botërore të fushës, si fondet sovrane të Norvegjisë, Arabisë Saudite, Azerbajxhanit e me radhë. Paçim fat tanimë kur kjo përpjekje thuajse 10-vjeçare, po i afrohet orës vendimtare të së vërtetës”, tha Rama.
