Ish-ministri i LSI-së, Ylli Manjani është revoltuar ndaj kompanisë së fluturimeve “Wizz Air”.
Manjani shkruan se mbrëmjen e djeshme është anuluar fluturimi me “Wizz Air” i linjës Athinë-Tiranë, teksa shton më tej se pasagjerët janë trajtuar në mënyrë ç’njerëzore.
“Wizzair? Kurrë më! Asnjëherë! Mbrëmë, avioni i linjës Athinë-Tiranë nuk u nis. Që fluturimet anulohen kjo ndodh, por që pasagjerët të trajtohen ç’njerzisht kjo është e papranueshme! Pasi kishin anoncuar dy herë shtyrjen e orarit të fluturimit, që do të thotë pritje në aeroport te gate, diku rreth orës 12:00 të natës avioni imbarkohet, por nuk niset megjithse me pasagjerë në bord. Për më shumë se 2 orë kështu… Tmerr. As në qiell e as në tokë. Pengmarrje?? Pas 2 orë e kacafiu kujtohen të thonë se avioni nuk niset. Pasagjerët dalin nga avioni, rihyjnë në aeroport dhe lihen aty praktikisht në mes të katër rrugëve. Asnjë mundësi akomodimi!!! Nuk dihet do niset apo jo sot një avion tjetër!!! Kjo i ka ndodhur familjes time mbrëmë. Asnjë mirkuptim nuk mund të tregoj ndaj kësaj kompanie që ofron shërbim ç’njerzor. Ptu!”, shkruan Manjani.
