Kapriçot e motit janë rikthyer në veri të vendit, duke sjellë reshje bore në zonat malore të Kukësit.
Fshatra si Turaj, Breki, Shishtavec, Novosej, Borje, Shkinak dhe Buzmadhe janë zbardhur pasditen e kësaj të enjteje nga reshjet e borës.
Pas reshjeve të shiut dhe një rënieje të ndjeshme të temperaturave, bora ka përfshirë lartësitë mbi 1000 metra. Deri më tani nuk raportohen probleme në qarkullimin e mjeteve.
