Edi Paloka është revoltuar me Edi Ramën, pasi pretendon se kryeministri ka prenotuar gjithë biletat në tribunë për ndeshjen me Poloninë.
Ky në fakt, është një ‘hall i madh’ për Palokën, i cili i bën thirrje Edi Ramës që nesër (të dielën) mos shkojë në stadiumin “Air Albania” pasi, sipas tij, i ndjell ters kombëtares kuqezi.
“Kam shkuar në stadium që fëmijë dhe që atëherë kam ndjekur pothuajse çdo ndeshje të Kombëtares në stadium, por këtë herë për pak mbeta pa biletë. Këta tipat e qeverisë që nuk kanë parë kurrë një ndeshje futbolli dhe vijnë në stadium për t’u dukur, vetëm kur dëgjojnë që Kombëtarja është pranë kualifikimit, që pastaj të bëjnë ndonjë status në fb… këta jane thjesht të shpifur, duke filluar nga i pari i tyre, Rama. Prandaj këta do të bënin mirë të paktën të rrinin larg e të mos fusnin hundët po t’u linin shqiptarëve të vetmen gjë që iu ka mbetur, që i bën krenarë dhe i bashkon, Kombëtaren tonë! Rama rri larg, se je tersi i gjithë shqiptarëve dhe jo vetëm në futboll”, shkruan nder te tjera Paloka.
