Suksesi i Shqipërisë ndaj Polonisë vë kuqezinjtë në një pozitë shumë komode për të vazhduar më tej në grupin e saj kualifikues.
Megjithatë, Ervin Fakaj është i befasuar nga mënyra se si kanë ardhur sukseset e njëpasnjëshme të kombëtares shqiptare.
“Është rast për t’u studiuar se nuk mbaj mend një skuadër që ka vetëm një mënyrë për të shënuar. Po të shohësh të gjithë golat janë spektakolarë nga 20 metra. Asllani, Bajrami, Asani dy herë. Një skuadër shumë cinike, pa ndonjë gjë të madhe, pa shfaqur diçka spektakolare, por cinike. Është e rëndësishme në futbollin e sotëm. Edhe skuadrat e mëdha, ndonëse krijojnë më shumë, fitojnë me cinizëm. Ne jemi bërë cinik 100 përqind”, tha ai në studion e “SuperSport”.
