Protesta përpara Ministrisë së Arsimit është tensionuar pak momente më parë, me punonjësit e Policisë së Shtetit të cilët janë detyruar të aktivizojnë automjetin ujëhedhës dhe të lëshojnë gaz lotsjellës, për të shpërndarë turmën e për të ndaluar sulmin ndaj uniformave blu.
Ashtu siç kishin paralajmëruar, studentët dhe pedagogët kanë marshuar në drejtim të Ministrisë së Arsimit rreth orës 14:00, ndërsa më vonë u janë bashkuar dhe mbështetësit e Partisë Demokratike, që prej mesditës ishin mbledhur nën zyrën e Edi Ramës.
Me të afruar ora e protestës së studentëve, militantët e PD dhe partive të tjera opozitare janë nisur në mbështetje të tyre drejt Ministrisë së Arsimit.
Turma ka qenë e madhe dhe fillimisht e qetë, por më pas disa persona të maskuar nisën të sulmonin godinën e Ministrisë së Arsimit dhe më pas punonjësit e Policisë së Shtetit, të cilët ishin planizuar në krah, për të mos provokuar protestën.
Në këto momente, studentët dhe mbështetësit e opozitës janë larguar nga Rruga e Durrësit dhe Policia është duke zbatuar një strategji për të liruar unazën e voglës, sepse turma është larguar drjet Sheshit Skënderbej me ujë me piper dhe gaz lotsjellës.
