Kombëtarja shqiptare mori 4 pikë te “arta” nga dy përballjet e këtij muaji. Barazoi me Çekinë në Pragë, ndërsa mori një fitore spektakolare në “Air Albania” ndaj Polonisë.
Rezultate të shkëlqyera për kuqezinjtë të cilët tashmë e shikojnë vetën gjithmonë e më afër kualifikimit në Euro 2024. Sylvinho do të synojë të marrë maksimumin nga këto 3 sfida te fundit dhe të na dërgojë në Gjermani. Një kualifikim i tillë përveç historisë dhe emocioneve do të dhurojë edhe miliona euro.
Janë plot 9.25 milionë euro që do të shkojnë në arkat e FSHF-së nëse Sylvinho na dërgon në Gjermani. Milionat që fitojnë Kombetaret prej UEFA-s (nga kualifikimi në grupe deri te fituesi i Euro 2024):
》9.25 milionë euro për cdo ekip që merr pjesë në grupe
》1.5 milionë euro për çdo fitore në grupe dhe 750 mijë euro vlen një barazim
》2 milionë euro për çdo skuadër që kalon në fazën e 1/16-tave
》3.25 milionë euro për çdo ekip që prek çerekfinalen
》5 milionë euro për çdo kombëtare që kualifikohet në gjysmëfinale
》7 milionë euro për finalistin që humbet
》10 milionë euro për fituesin e Euro 2024
