Është mbajtur këtë të merkure tryeza e dyte e përbashkët mes deputetëve demokratë mbështetës të grupimeve të Sali Berishës dhe Gazmend Bardhit.
Bardhi ka theksuar se se në këtë takim është diskutuar në lidhje me hartimin e një pakete të re ligjore dhe për punën që do të kenë komisionet parlamentare.
“Kemi marrë disa vendime të rëndësishme. Së pari vendosëm të propozojmë një paketë ligjore për të nisur punën për rritjen e pensioneve, masës së ndihmës ekonomike, minimumin jetik. Sa i takon llogaridhënies së qeverisë, do të ketë seanca dëgjimore në Komisione për çështje me interes për publikun. Një seancë dëgjimore do ketë për abuzimet e fondeve të BE për Bujqësinë”, tha ai.
REALITETI – Sot dy grupet “Bardhi” dhe “Berisha” pretendojnë të bashkojnë PD-në, por në krahun tjetë “vulën” e PD-së e zotëron Lulzim Basha dhe deputetët e tij mbështetës.
