Kryeministri Edi Rama dhe ministri i Brendshem Ervin Demo kanë dalë tani paradite para fillimit të protestës për të dhënë mesazhin e tyre.
Edi Rama tregoi për telefonatën me një pedagog të Mjekësisë që ka pasur ditën e djeshme, duke e ftuar për dialog dhe duke e dëgjuar.
Gjithashtu, në fjalën e tij kryeministri Edi Rama është shprehur se pas personave që ushtrojnë dhunë gjatë protestave, “qëndrojnë krimi i organizuar dhe duar të huaja”, të cilat sipas tij vijojnë vandalizimin e kryeqytetit.
“Në të tre vendet tona, Francë, Itali e Shqipëri, flama e Antifa është shfaqur me forcë të verbër dhe ne kemi një serë specifikash që po I ndjekim me kujdes. Dje informova për një listë personash me precedent criminal që nën maskën e studentit dhe që s’kanë asnjë lidhje me lëvizjen imagjinare studentore ushtruan dhunë dhe u ndalën nga policia e shtetit. Një listë e një komponenti të dhunshëm që është integruar në këtë masë të larmishme personash me qëllim të qartë: destabilizim I vendit dhe devijim I rrugës sonë duke na kthyer pas në të shkuarën.
Pas atyre persona qëndrojnë krimi I organizuar dhe Duart të huaja që vazhdojnë intesivisht. Ajo që më bëri përshtypje ishte reagimi ndaj një liste që minimalisht do ti bënte të gjithë reflektonin. Dhe relativizimi I dhunës, në emër të rinisë që sidomos sipas VIP-ave të mbrëmjeve të hymnizimit të dhunës në këto ekrane, I përkasin një momenti transformues të vendit. Këtu ka një sfidë të hapur me probleme të cilat kërkojnë adresim, probleme të shoqërisë e familjeve të zakonshme, të studentëve, të rinisë, të tëra legjitime dhe dhunës. Gjuhës së gurit, hurit, zjarrit, urrejtjes, ofendimeve dhe kërcënimeve që nuk mund të fitojë një status qytetarie nëse nuk duam një të nesërme të sigurtë.
Ne jemi duke punuar intesivisht me orë të zgjatura për të adresuar dy anët e medaljes. Jemi shumë të vëmendshëm dhe jam shumë I vëmendshëm personalisht në raport me arsyet reale dhe me shkaqet që bëjnë shumëkënd përtej faktit që votojnë apo jo për mua dhe shumicën që të simpatizojnë një protest dhe të ndjejnë nevojën për të pavarësisht se janë të distancuar nga dhuna përsa kohë që ai terror urban u shkaktua nga një masë e larmishme njerëzish të radikalizuar ideologjikisht, fetarisht njerëz të nxitur e paguar për të yshtur ndasinë fetare, për të radikalizuar njerëz me precedent penale të futur në turmë. Liria për të protestuar është e drejtë që askush nuk e diskuton. Rruga e protestës paqësore është rruga që të con te dialogu”, tha Rama.
