Shqipëria po drejton sot një nga seancat më të rëndësishme në Këshillin e Sigurimit në OKB. Kreu i qeverisë shqiptare Edi Rama po moderon këtë seancë të nivelit të lartë fokusi i së cilës do të jenë pasojat e agresionit rus kundër Ukrainës.
Pikërisht çështja e Ukrainës ka shkaktuar përplasje në Këshillin e Sigurimit mes delegacionin rus dhe kryeministrin shqiptar, Edi Rama dhe shkak për këtë është bërë prezenca e presidentit ukrainas.
Ishte përfaqësuesi i delegacionit rus ai i cili i kërkoi Edi Ramë procedurën me të cilin ishte ftuar te fliste në Këshillin e Sigurimit presidenti i Ukrainës Volodymyr Zelensky.
Kryeministri shqiptar iu përgjigj duke sjellë raste të tjera analoge, ku krerë të caktuar shtetesh kanë marrë fjalën mbledhjen e debateve të hapura të Këshillit të Sigurimit.
Ndërkohë Rama me nje pergjigje te zgjuar ka thënë se edhe ky “debat” ka një zgjidhje: “Nëse Rusia ndalon luftën atëherë edhe Zelensky nuk do të mbajë fjalim”.
