Kongresi i Jashtëzakonshëm i PS-së i cili ishte parashikuar të mbahej më 4 nëntor, por me vendim të Edi Ramës është shtyrë për në fillim të dhjetorit.
Analisti i njohur Lorenc Vangjeli, tha se shtyrja e kongresit të PS-së paralajmëron një dimër përvëlues.
“Kryeministri i vendit është më i informuar qoftë dhe instikti i tij politik qoftë dhe informacioni për shkak të detyrës i rrëfejnë atij që dimri do të jetë përvëlues. Kongresi i jashtëzakonshëm që u tha do të konstituonte strukturën drejtuese të saj që do të mbahej më 4 nëntor u shty me një muaj në pritje të asaj që do të ndodhë tek rruga e Burgut” komenton Vangjeli.
Kaosi që opozita shkaktoi sot Kuvendit sipas Vangjelit ka të bëjë me dosjet e SPAK.
“Seanca që ndodhi sot është dezhavu e përpiktë me atë që ndodhte në dimrin e 2018, 2019, është po e njëjta retorikë por thelbi është diku tjetër. Ndryshimi epokal që po ndodh. Hyrja e një pushteti të ri. Besoj se do të ketë lajme të nxehta dhe do të shënjojë humorin, tensionin apo dhe ndryshimet në platen e kongresit të socialistëve” tha Vangjeli
