Një fermer është shprehur se në Shqipëri ka mungesë të mollëve, pasi sipas tij, këtë vit janë prodhuar 50% më pak se vitin e kaluar.
Komentet fermeri i bëri në një intervistë në “Good Morning Albanians” ku tha se nga janari i vitit të ardhshëm, çmimi i mollëve do të shkojë 1500 lekë të vjetra për kilogram. Ai shtoi se mungesa ka gjithashtu edhe për portokalle e mandarina.
“Molla do të ketë rritje. Është mungesë për mollën në gjithë Europën. Këtu kemi mollë skarco, por kërkojmë në gjithë Europën për mollë industriale, por nuk ka. Molla besoj që nga janari do të shkojë mbi 1500 lekë të vjetra. Kemi mollën problem, portokallin dhe manderinat problem. Ka 50 % më pak prodhim se vitin e kaluar. Në vitin e ri do e ndiejmë mungesën”, është shprehur Fermeri per Euronews Albania.
