Sali Berisha ka përsëritur sërish thirrjen sot, për Elisa Spiropalin dhe Erion Veliaj, që t’ju tregojnë shqiptarëve gjithçka që dinë për atë që ai e quan “korrupsion dhe krime të pamohueshme” të kryeministrit Edi Rama.
Në një komunikim të drejtpërdrejtë me demokratët në rrjetet sociale, ai ka thënë se ata, më shumë se të tjerët, dinë gjithçka për Edi Ramën, ndaj ai i ka përsëritur ftesën që të tregojnë gjithçka para shqiptarëve.
“Po, Erion Veliaj nëse do të kontribuojë, le t’u thotë shqiptarëve gjithçka di për Edi Ramën, sepse sado që të ketë bërë vetë, krimet e Edi Ramës janë të pakrahasueshme me të asnjë tjetri dhe unë nuk mund të them se Erion Veliaj sot në qeli është rrezik ekzistencial për Shqipërinë.
Ne kemi protestuar dhe kemi bërë gjithçka që ai të shkojë para drejtësisë. Ky është qëndrimi im ndaj cilido që do të kontribuojë për të larguar nga pushteti dyshen më famëkeqe Rama-Balluku apo Balluku-Rama”, u shpreh Sali Berisha.
Në përgjigje të shqetësimit të një qytetareje për thirrjet e tij për bashkëpunim, Sali Berisha deklaroi se Shqipëria ndodhet përballë një rreziku ekzistencial dhe akuzoi Ramën e Ballukun për situatën në vend.
“Çfarë ka në dorë Erion Veliaj dhe Elisa Spiropali? Ata dinë shumë më tepër se të tjerët për korrupsionin e Edi Ramës dhe Lubi Ballukut. Ata duhet të përpiqen të bëjnë sa më shumë njerëz me vete nga ata deputetë. Është sot betejë për jetë, betejë për ekzistencën e kombit. Ne po shkojmë duke e zbrazur Shqipërinë”, shtoi












