Protesta e thirrur nga Sali Berisha në ditën që po zhvillohet edhe Samiti i BE në Tiranë nga mediat raportohet se ka patur një pjesëmarrje të ulët.
Pavarësisht thirrjeve prej disa ditësh, qytetarët kanë refuzuar të dalin në protestën e thirrur nga opozita. Sikurse mund të shihni edhe nga pamjet e marra nga droni, pjesëmarrja e demokratëve përgjatë Bulevardit është tepër e ulët krahasuar me tubimin e fundit të opozitës më 12 nëntor.
Qytetarët masivisht edhe një herë kanë zgjedhur të refuzojnë opozitën në një ditë historike të Shqipërisë ku për herë të parë liderët e gjithë Europës kanë zbarkuar në Tiranë për të zhvilluar Samitin e BE-së. Edi Rama ka mirëpritur të gjithë liderët europiane, ndërsa punimet në Samit kanë vijuar normalisht punën pavarësisht kësaj proteste të thirrur nga PD-ja.
