Deputetët e Berishës janë përplasur fizikisht me Gardën mëngjesin e kësaj të enjte në hyrje të Kuvendit pak para nisjes së seancës plenare.
Garda nuk ka lejuar deputetët të futen në Kuvend, dhe kjo ka shkaktuar tensione. Deputeti Dashnor Sula ka tentuar që të futet në sallën e Kuvendit, duke u hedhur sipër gardistëve.
Ndërkohë deputeti Flamur Noka, ka thyer xhamin e derës kryesore. Deputetët e PD shprehen se Garda po bllokon me të padrejtë që të hyjnë dhe deputetët të cilët nuk janë të përjashtuar.
“Të provokojnë në këtë farë feje sa nuk di cfarë ti bësh. Ti hipësh sipër edhe prapë nuk të lënë. Këta duan vetëm një parlament. Të qeverisë PS, se janë mësuar 45 vjet. Mos u ngopshin, farë qeni”, tha Dashnor Sula, drejtuar mediave.
