Kreu i qeverisë u pyet për marrëdhëniet mes Shqipërisë dhe Greqisë, por edhe raportet që ka ai me homologun Kyriakos Mitsotakis.
Ai tha se ka një marrëdhënie respekti dhe e hapur, ndërsa çështjet që na ndajnë shtoi Rama duhet të trajtohen me elegancë.
“Marrëdhënia me kryeministrin e Greqisë është miqësore, marrëdhënie respekti, e hapur dhe unë për veten time dhe falë edhe gjithë kësaj eksperiencë dhe falë edhe eksperiencës me liderët e BE e kamë mësuar se ka një rrugë për t’i trajtuar mosmarrëveshjet me të gjithë elegancën e sjelljes njerëzore. Sa më elegante të jetë trajtimi i mosmarrëveshjes mes njerëzve, aq më larg jemi nga zoologjia. Me Mitsotakis, s’kemi asgjë personale, përkundrazi biseda e djeshme ka qenë bisedë miqësore, por kjo nuk është arsye për të kaluar nga kufijtë e një problemi” tha Rama.
