Prokurorët e SPAK kanë lexuar provat e siguruara nga hetimet ndaj Fredi Belerit. SPAK gjatë leximit të provave shkresore, i tha gjykatës se nga “zberthimi”i telefonit të Pandeli Kokaveshi, është zbuluar një grup në aplikacionin Whats Up i quajtur “Himara ime je ti”.
Në këtë grup sipas Prokurorisë, ka biseda rreth ndihmës që do ti ofrohej qytetarve të Himares dhe zonave përreth, ndër to edhe për sigurimin e “letrave greke”. SPAK thotë se dokumentet greke ofroheshin për qytetarët e Bashkisë Himarë në këmbim të votës për Fredi Belerin.
Madje në një moment Beleri i ka shkruar Kokaveshit duke e paralajmëruar: “Çfarë janë këto biseda, nga këto do të digjesh ti”.
Sakaq, telefoni i Belerit nuk është arritur të hapet, pasi nuk ka pranuar të dorëzojë kodin.
