Ka përfunduar seanca e sotme në GJKKO për ashpërsimin e masës së sigurisë ndaj Sali Berishes për dosjen e privatizimit të ish-kompleksit “Partizani”.
Seanca është shtyrë për nesër në orën 15:00, kurse gjyqtarja Irena Gjoka ende nuk ka vendosur perfundimisht “fatin” për Berishën.
SPAK ka kërkuar për ish-kryeministrin Sali Berisha vendosjen e masës së sigurisë “arrest në shtëpi” me mbikëqyrje policore, ku do t’i ndalohen kontaktet me personat e tjerë, përveç se me familjarët që qëndrojnë në të njëjtën banesë.
Në dokumentin e SPAK thuhet po ashtu se adresa ku Berisha do duhet të qëndrojë është adresa e shtëpisë në rrugën “Mustafa Matohiti”.
