Gazetari Drini Zeqo u largua ditën e djeshme nga shtëpia e “Big Brother Vip3”, vetëm 4 ditë, pas nisjes së spektaklit. Mënyra se si Zeqo u largua nga shtëpia pa u përshëndetur me banorët e tjerë, krijoi një mister mbi arsyet e vendimit të tij. Më konkretisht bëhej fjalë për nënë e gazetarit e cila u shtrua me urgjencë në spital.
Në një postim në rrjetet sociale, gazetari Drini Zeqo shkruan se në jetë ka shumë gara por asnjë nuk është më e rëndësishme se sa shëndeti i familjarëve.
“Në jetë ka shumë gara por asnjë nuk është më e rëndësishme se sa shëndeti i familjarëve. Duke qenë se familja është gjëja më e rëndësishme për mua vendosa ta ndërpres rrugëtimin tim në “Big Brother VIP”. Të gjithë jemi mirë, faleminderit për interesin dhe kujdesin e treguar. Shihemi së shpejti!” – shkruan Drini Zeqo.












