Nga ekstrapolimi i përafërt i rezultateve të një sondazhi që zhvillova për Report TV, më rezultoi që, nëse do të zhvilloheshin zgjedhje sot, për PS-në do të votonin rreth 750 mijë banorë të rritur të vendit, për partitë e tjera së bashku rreth 555 mijë dhe rreth 735 mijë nuk do të votonin fare.
Meqë Lulzim Basha ka propozuar kalimin nga 12 zona zgjedhore të bazuara në qarqet aktuale, në 1 zonë të vetme zgjedhore kombëtare, vlen të përkthehen në mandate parlamentare rezultatet e mësipërme, për të parë sesi si do të ndaheshin ato mes partive në secilin nga variantet – me 12 zona dhe me 1 zonë të vetme kombëtare. Kështu në variantin aktual me 12 zona, PS-ja do të merrte sot rreth 90 mandate, ndërsa në variantin me 1 zonë kombëtare do të merrte sot rreth 80 mandate (shihni tabelën 1).
