Kryeministri Edi Rama ndodhet në Spanje ku po zhvillon një konferencë shtypi kushtuar Shqipërisë si destinacion i turizmit të qëndrueshëm, bashkë me Gabriel Escarrer Jaume, CEO i gjigantit ndërkombëtar “Meliá Hotels International” që ka ardhur në Shqipëri me një seri kontratash.
”Kemi rritje të turistëve spanjollë në Shqipëri. Vizitorët e huaj kanë qenë të sigurt te ne. Sipas statistikave të BE jemi vendi me numrin më të ulët të vjedhjeve të shtëpive në Evropë. Britania është vendi i parë, ata thonë se kjo lidhet me faktin se atje kanë shkuar shqiptarë. Shënuam aeroportin me rritjen më të madhe në Europë. Bazuar në statistikat e OBT-së,ne jemi vendi i tretë sa i takon rritjes së turizmit në botë, pas Katarit dhe Arabisë, pra të tretët pa Kupën Botërore dhe pa Mekën.
Jam shumë i lumtur për këtë gjë. Shqipëria është vetëm 28 mijë km katror, por një prej vendeve me larminë më të madhe, pasi përman dy dete, shumë lumenj e madhe. Mund të jesh në Spanjë e Zvicër në të njëjtën kohë. Kjo është vërtetë shumë e veçantë, ndaj duhet të gjejmë një ekuilibër. Dua t’u them spanjollëve të vijnë dhe të kalojnë përvojën Melia në plazh dhe nuk e them vetëm unë. Qëndrueshmëria është shumë i rëndësishëm”, tha më tej Rama.
